ტრენინგი "რისკზე დაფუძნებული სურსათის უვნებლობის აუდიტი"

SQIL პროექტის ფარგლებში, სურსათის ეროვნული სააგენტო-ს ცენტრალური და რეგიონული ოფისების შერჩეული თანამშრომლებისთვის, ინტენსიური ტრენინგები მიმდინარეობს თემაზე - "რისკზე დაფუძნებული სურსათის უვნებლობის აუდიტი". ტრენინგების სერია 5 დღიანია და მას სეს-ის 45-მდე სპეციალისტი გაივლის.

სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსში შესული ცვლილების (11/05/2021) შესაბამისად, სახელმწიფო კონტროლის ახალი მექანიზმი - აუდიტი ამოქმედდა. SQIL-ის ტრენინგების მიზანია, ახალი მოთხოვნების შესაბამისად, გაზარდოს სეს-ის სპეციალისტების ცოდნა და ტექნიკური უნარები, რათა მათ HACCP-ის სისტემის ეფექტური აუდიტის ჩატარება შეძლონ.

პროექტს „ინვესტირება უვნებელ და ხარისხიან მესაქონლეობაში“ (SQIL) ახორციელებს ამერიკული ორგანიზაცია Land O’Lakes Venture37, საქართველოს ფერმერთა ასოციაციასთან პარტნიორობით, ამერიკის სოფლის მეურნეობის დეპარტამენტის (USDA) ფინანსური მხარდაჭერით.

ტრენინგს უძღვებიან ISO Consulting-ის ტრენერები: ივანე დიდბერიძე და ქეთევან წულაია.

---

ISO Consulting - Professionals for Professionals